O seu Cónsul Xeral en España, Manuel Palomino de la Gala, entrevistouse este venres co alcalde, Abel Caballero, para informarlle da decisión adoptada polo goberno peruano. O rexedor mostrouse satisfeito pola nova e salientou a "fluidísima e importante" relación pesqueira de Vigo con Perú.
O alcalde de Vigo, Abel Caballero, recibiu este venres ao Cónsul Xeral do Perú, Manuel Palomino, que lle anunciou a inminente posta en marcha na cidade do consulado peruano para Galicia.
Alcalde e Cónsul barallaron a posibilidade de habilitar un espazo temporal en Vigo onde establecerse ata que o goberno non designe ao seu titular e poder así operar "de forma inmediata", explicou Abel Caballero.
O rexedor mostrou a súa satisfacción pola noticia, que reforza á cidade como sede de establecemento dos corpos consulares en Galicia. En especial citou a "fluidísima e importante" relación pesqueira existente entre Vigo e Perú, feito que constata a presencia do Ministro de Pesca deste país na Feira Conxemar. Fuente: Ayuntamiento de Vigo
| 
